Þriðjudagur 22. nóv

Seinasta vikan af austur-evrópsku stöðvarþjálfunni hans Jóns. Ég er samt að fíla hana nokkuð vel þetta eru svona gömlu góðu æfingarnar sem koma manni bara í almennt gott form, þótt djúp froskahopp í hástökksdýnunni sé hrikaleg!

Byrjuðum á að drilla slatta berfætt og svo í hopp, þrístökks og vinstri vinstri - hægri hægri. Þá voru það stöðuæfingarnar og í þetta skipti var tíminn lengdur 90 sek á hverri hlið. Framan á var nokkuð auðvelt en mér fannst hliðarnar aðeins erfiðari og á bakinu þá fór stífi hamurinn frá gærdeginum að segja til sín. Samt allt mjög geranlegt og gott.

Bætti líka við einni stöð í þrekhringnum þannig að nú voru bæði háar hnélyftur og djúp hopp í hástokksdýnunni í sama hringnum. Verst að kálfarnir voru frekar stífir og því átti ég erfitt með að hoppa zic-zac yfir bekkina.

Eftir á var svo tekið smá hraðaúthald á flatbotna
6x100m með 4 min hvíld.

Þar var ég frekar ánægður því ég fann LOKSINS fyrir þessu kikki sem ég hef verið að leita að, að geta sett í annan gír. Byrjaði að hlaupa þetta eins og venjulega en svo seinustu 30m í fyrsta sprettinum fattaði ég að ég kæmis hraðar. Hrikalega góð tilfinning. Var ekki með tímann en sjálfsagt hefur þetta verið í kringum 12.5 -13.