Fimmtudagur 3. janúar

Ákvað að prófa að taka létt skokk eftir hvíld í 3 vikur núna.

Fannst ég vera orðinn góður og verkjalaus og ákvað því að prófa taka létt morgunskokk. Fór því niður í smára og skokkaði meðfram sjónum að bryggjunni í fínu veðri. Gat þó ekki skokkað mikið og endaði með að ég þurfti að labba ágætis hlutaaf leiðinni til að koma mér aftur að fífunni. Það fór semsagt allt í hakk og nú haltra ég bara um. Fáránlega sárt, ekki eins og með kálfana þar sem ég gat yfirleitt pínt mig eitthvað.

Seinni æfingin í dag verður því hlaup í sundi með Bjögga og svo upp í laugardalshöll að horfa á strákana taka interval á meðan ég lyfti eitthvað.

Ætli maður fari bara ekki að rækta bekkinn og koma sér upp í 100kg fyrst maður getur ekkert hlaupið.

Uppfært

Seinni æfingin samanstóð af nokkrum sprettum í sundinu eftir létta upphitun.

6x20 sek - 15 sek hvíld
2 min hvíld
6x30 sek - 15 sek hvíld
2 min hvíld
6x45 sek - 15 sek hvíld

Myndaðist ágætis sýra þegar maður er á fullu. Tókum svo nokkrar mótstöðuæfingar í vatninu. T.d. flugu og fleira.