Miðvikudagur 23. nóv

Interval og lyftingar

Tók ágætis interval út í kuldan í gær. 8x200m með 100m labbi. Máttum reyndar taka þetta inn í Fífu með því að hlaupa 100m brautina fram og tilbaka en sénsinn að ég nennti því. Maður er orðinn heitur eftir 2 spretti úti, auk þess er maður bara vel klæddur.

Tók semsagt 8x200m með 100m labbi úti með Magga og Bigga en allir aðrir tóku þetta inni. Þetta gekk bara ljómandi vel, allt saman mjög rólegt og afslappað og tímarnir í kringum 32 sek. Fullkomið til að ná upp smá grunnþoli. Finn að ég er með mun betra grunnþol og ég er sáttur með það.

Eftir það var haldið upp í lyftingarklefa til að bæta smá kjöti á beinin.

5x3 Snörun	40kg	40kg	40kg	40kg	40kg
5x3 Jerk (bakvið)	60kg	60kg	70kg	70kg	75kg
4x6 Bekkur	70kg	70kg	75kg	80kg
4x6 Róður H.L	25kg	30kg	40kg	40kg

Lyftingarnar ganga vel, ég hef aldrei verið svona sterkur áður, en það er svosem ekki að marka þar sem ég hef ekki æft á undirbúningstímabili frá því 2001 eða eitthvað. Auk þess var ég aldrei mikið í ólympískum lyftingum. Finnst samt mjög gaman að finna hvað styrkurinn kemur hægt og rólega.

Kemur mér á óvart hvað ég virðist vera nokkuð sterkur í bekknum, og ég komst líka að því að ég hef alltaf verið að jerka fyrir framan, en ekki aftan. Mun léttara finnst mér að taka þetta fyrir aftan, en það er eiginlega bara ekki hægt ef maður er einn, þá hentar hitt betur.

Ég þarf samt að ná tækninni betur í flestum þessum æfingum en þá sérstaklega snörun. Maður heldur bara áfram að æfa sig.

Ég er líka mikið að pæla að taka ekki hvíld á sunnudeginum heldur æfa bara straight fram að 6. des, þá fer maður í aðgerðina og dettur út í nokkrar vikur. Taka smá crash-training. Sé til.